Back Listenn eus frouezh an drougael Breton Fruita del Diable Catalan Djævlefrugt Danish Frutti del diavolo Italian 悪魔の実 Japanese 악마의 열매 Korean One Piece. Большой куш#«Плод дьявола» Russian Frutat e Detit Albanian ผลไม้ปีศาจ Thai 惡魔果實 Chinese
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Les Frutes del Diañu o Akuma no mi (悪魔の実, Akuma no Mi) apaecen nel mundu ficticiu d'One Piece, creáu por Eiichiro Oda (anime y manga).
Son un tipu bien raru de frutes, una y bones estes zarren el poder de diversos demonios, d'ende la so rareza. Naide sabe con certidume'l so orixe o creacion (ensin tomar en cuenta les frutes sinteticas del Dr. vega punk).
Tienen, ente delles carauterístiques, un desagradable sabor, tan tarrecible que paez que quien coma una tuviera consumiendo venenu. Cuando se consume una, da-y al usuariu un poder o carauterística especial. Toes tienen distinta forma, color y toes tienen dalgún tipu de marca en forma d'espiral. Basta un solu mordigañu por que una persona adquiera'l poder de la fruta en cuestión. Pulgar, picar o moler una fruta del diañu nun alteria los efeutos nin el so desagradable sabor.
Caúna de les frutes ye única, de tala forma que nun puede haber dos persones con habilidaes iguales. Nel casu de les frutes zoan, magar son llamaes delles col mesmu nome pero distintu modelu, l'autor esclarió qu'un modelu distintu ye una fruta distinto.
Paez que la muerte del usuariu nun implica la desapaición de l'habilidá que produz, sinón que'l demoniu dientro del cuerpu del usuariu va buscar otra fruta p'agospiase, que depués va ser consumida por otru usuariu.
Como se mentó enantes, cada fruta del diañu ye única; por casu, la Bara Bara no Mi ye de color púrpura y aseméyase a una piña. Cuando l'usuariu de la Bara Bara no Mi muerra, el demoniu va buscar non cualquier fruta, sinón que va buscar la piña más cercana pa tresformala nuna Akuma no Mi y agospiase dientro de la fruta; asina, el demoniu va tresformar el color de la fruta y dará-y les carauterístiques marques en forma d'espiral. Poro, les frutes del diañu nun crecer nos árboles, nin esiste un máxicu árbol de les frutes del diañu; sicasí, cualquier fruta que yá tea madura tien una ínfima posibilidá de tresformase en Akuma no Mi, si dan les condiciones necesaries.
Asina, un conocedor de los distintos tipos de Akuma no Mi podría disponer del tipu de fruta especifico p'atraer al demoniu trás al asesinar al usuariu de la Akuma no Mi.
El científicu de la marina, VegaPunk, creó un llibru alrodiu de toles frutes del diañu conocíes, onde amosaba la so forma y los poderes que da; esto foi por cuenta de la rexeneración de poderes qu'esiste al traviés del tiempu, el poder de la fruta del diañu, esto ye, el demoniu en sí nun se destrúi, solo muerre l'usuariu en cuestión.